နေပြည်တော်၊ ဇန်နဝါရီ ၂၆ ။

လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဒုတိယဝန်ကြီးဒေါက်တာမျိုးသန့်သည် တာဝန်ရှိသူများနှင့်အတူ ဇန်နဝါရီလ (၂၆) ရက်၊ နံနက်ပိုင်းတွင် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာပြီး ၊ ပြည်ပထွက်ခွာရှိ ရန်ကုန်အပြည်ပြည်ဆိုင်ရာလေဆိပ်မှ ဝင်ရောက်/ ထွက်ခွာကြသည့်ခရီးသည်များ၏ အချက်အလက်များအားသိမ်းဆည်းသည့် Server Room အား ကြည့်ရှု့စစ်ဆေးပြီး Data Center ရှိ Rack များစစ်ဆေးခြင်း၊ Fire Wall များတပ်ဆင်အသုံးပြုမှု၊ Network Management , Network Monitoring System, Data Security, Human Resource ဆောင်ရွက်ထားရှိမှုတို့အားကြည့်ရှု့ပြီး၊ ဝန်ကြီးဌာနနှင့် ဆက်စပ်ဆောင်ရွက်လျက်ရှိသည့် Partner Associates Co,Ltd , Secure Link Co,Ltd, Myanmar Ease Net Co.Ltd, Mega Link Co.Ltd, တို့မှ တာဝန်ရှိသူများကနည်းပညာပိုင်းဆိုင်ရာများ ရှင်းလင်းခဲ့ပြီးနောက် ဒုတိယဝန်ကြီးက လိုအပ်သည်များကိုဖြည့်ဆည်းဆောင်ရွက်ပေးသည်။

ထို့နောက် ဒုတိယဝန်ကြီးသည် မြန်မာနိုင်ငံရဲတပ်ဖွဲ့၊ လေကြောင်းရဲတပ်ဖွဲ့ခွဲမှူးရုံးမှ ကြီးကြပ်ဆောင်ရွက်လျက်ရှိသည့်ခရီးသည်များအား ကြိုတင်စစ်ဆေးသည့်စနစ် (Myanmar Advanced Passenger Processing System ,MAPPS) ၏ Command and Control Center Room အား ကြည့်ရှု့စစ်ဆေးသည်။ ဆက်လက်၍ ဒုတိယဝန်ကြီးသည် ပြည်ပထွက်ခွာနှင့် ပြည်ပဆိုက်ရောက် စစ်ဆေးရေးကောင်တာများတွင် ခရီးသည်များစစ်ဆေးနေမှုတို့အားကြည့်ရှု့ပြီး၊ YACL အစည်းအဝေးခန်းမ၌ ရန်ကုန်အပြည်ပြည်ဆိုင်ရာလေဆိပ်ဝန်ထမ်းများနှင့် တွေဆုံ၍ လူဝင်မှုကြီးကြပ်ရေးဆိုင်ရာ လုပ်ထုံးလုပ်နည်းများနှင့်အညီ စနစ်တကျဆောင်ရွက်ရေးနှင့်  တာဝန်ရှိသူအဆင့်ဆင့်မှကြီးကြပ်ဆောင်ရွက်ရေးတို့ကို အလေးထားဆောင်ရွက်ကြရန်မှာကြားသည်။

ထိုမှတဆင့်  ဒုတိယဝန်ကြီးသည် တာဝန်ရှိသူများနှင့်အတူ  ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်ရှိ လဝကမြို့နယ်ဦးစီးမှူးရုံးသို့  သွား‌ရော၍ ဝန်ထမ်းများမှ e-ID လုပ်ငန်းဆောင်ရွက်နေမှု၊ Biometric လုပ်ငန်းဆောင်ရွက်နေမှုများကို ကြည့်ရှု့စစ်ဆေးပြီးနောက် လုပ်ငန်းများအား စနစ်တကျဆောင်ရွက်ရန် မှာကြားခဲ့ပါသည်။